Brottför á næsta leiti.

Nú styttist í að við ferðalangarnir leggjum af stað austur á bóginn. Helgin er búin að vera frábær. Bærinn, reyndar Eyjan öll, er búinn að vera iðandi af lífi. Heimamenn, brottfluttir og gestir eru búnir að njóta hinna ýmsu dagskrárliða sem í boði hafa verið.
Í gærkvöldi var síðan grillveisla hjá pabba og mömmu í tilefni afmælis pabba (á reyndar afmæli á morgun). Frábær matur og góð stemmning. Að sjálfsögðu var síðan farið í Skvísusundið. Þar var þvílík mannmergð að það tók langan tíma að komast eitthvað áfram í gegn um þvöguna. Að vísu var það aðallega vegna þess að ég gat varla snúið mér við án þess að rekast á vini og kunningja þannig að alltaf var verið að stoppa til að spjalla og hlægja. Þarna rakst ég m.a. á Kidda, strák sem var að vinna með mér í Eyjaberg fyrir ca. 25 árum síðan. Hvorugur okkar mundi nafn hins en það var fljótt að rifjast upp. Ég kom heim rétt fyrir kl. fimm í morgun sæll og ánægður eftir frábært kvöld.
En núna er semsagt kominn tími til að ferðbúast.

Athugasemdir

[Guðrún Jóna Gunnarsdóttir, 10.7.2008 kl. 20:18]

Ég var fjarri góðu gamni Aðalsteinn. Verð að viðurkenna að á stundum sem þessum og á þjóðhátíð veikist ég illþyrimilega af ,,heimþrá".

Flott að fá þig í bloggvinahópinn, verðum í spotta 

[Svanur Gísli Þorkelsson, 12.7.2008 kl. 14:07]

UHUHU :(

[Elín Katrín Rúnarsdóttir. , 14.7.2008 kl. 18:37]

Takk elsku Alli minn fyrir að ætla að koma í ágúst. Ég tek því þá fast að ég sé komin með veislustjóra ásamt bró ;)