Þetta er ekki líknardráp.

Ég myndi ekki segja að þetta væri líknardráp því að ættingjarnir drápu ekki konuna heldur leyfðu henni að deyja. Á því finnst mér vera mikill munur. Það að drepa einhvern er að gefa honum lyf/eiturlyf, notast við vopn eða á einhvern annan hátt koma í veg fyrir að hjartað nái að slá og heilinn fái súrefni. En þegar náttúran fær að ráða er um allt annað að ræða. Við gætum efalaust haldið lífi í flestum nær endalaust með því að notast við öndunarvéla og næringargjafir en það er hvorki eðlilegt né rétt.

Þjóðverjar dæma líknardráp löglegt

Athugasemdir

[Brynjar Björnsson (IP-tala skráð) 25.6.2010 kl. 13:11]

Áhugavert er að orðið "euthanasia" kemur úr grísku og þýðir "góður dauði": eu- (góður) thanatos (dauði).

[Útlendingur (IP-tala skráð) 25.6.2010 kl. 16:10]

Finnst þér þá hvorki eðlilegt né rétt að halda lífi í börnum sem fæðast fyrir tímann með því að nota öndunarvélar og næringagjafir??

[Aðalsteinn Baldursson, 25.6.2010 kl. 18:20]

Mér finnst vera stór munur á því að nota vélar og lyf ýmiskonar til þess að hjálpa þeim sem að eiga sér einhverja lífsvon s.s. fyrirburar og einstaklingar sem lent hafa í slysum eða sjúkdómum sem hægt er að lækna/laga. En það gildir að mínu mati öðru máli með einstaklinga sem hafa, t.d. vegna heilablæðinga, slæmra heilaáverka eða öldrunar, litlar sem engar líkur á því að lifa án slíkra aðgerða.

En megin inntak mitt í þessari umræðu var munurinn á líknardrápi og því að leyfa fólki að deyja.