Ísland er á heljarþröm vegna þess að við sækjum orku úr iðrum jarðar beint frá helví..

Þetta er meðal annars það sem að þessir snillingar segja. Að halda því fram að Latibær sé kennslustund í barnagirnd og geri stráka að hommum er m.a. það sem verið er að segja. Einnig að við séum að vinna gegn bandarískum olíufyrirtækjum með því að vinna jarðvarmann, sem kemur beint úr helvíti, og að víkingarnir settust að á Íslandi vegna þess að landið líkist helvíti því sem að guðir okkar bjuggu í.
Endilega lesið þetta og athugasemdirnar sem fylgja því að annað eins bull hef ég ekki lesið í langan tíma.

Flugeldar.

Ég minni alla þá sem ætla að kaupa flugelda af einkaaðilum að fá endilega símanúmerið þeirra svo þeir geti hringt í þá ef þeir þurfa hjálp í neyð.
Ég ætla hinsvegar að styrkja eina af þeim fjölmörgu björgunarsveitum sem vinna óeigingjarnt starf á hverjum degi í þágu okkar hinna.

Glæsilegt.

Þarna er klárlega verið að mismuna fólki eftir búsetu þannig að mér finnst þetta frábært framtak hjá þeim.

Neita að selja Fréttablaðið í Eyjum

Mikil neyð.

Ég sá það þegar ég var í S-Afríku að vissulega eru þar margir sem að þurfa á aðstoð að halda. Myndirnar sem við sáum í þættinum í gærkvöldi sýna það svo sannarlega líka.
En við mættum líta okkur aðeins nær. Það er frábært að landsmenn skuli geta tekið saman höndum og safnað yfir 150 millj. þrátt fyrir að kreppi verulega að hjá okkur. Persónulega hefði ég viljað sjá þessa upphæð fara til þeirra hérna heima sem að sjá ekki fram á að geta keypt mat fyrir sig og sína fjölskyldu. Sem geta hugsanlega ekki glatt sín börn með góðum mat, gjöfum eða sómasamlegum fötum nú þegar jólin nálgast. Sem geta ekki keypt skólavörur fyrir börnin sín. Af nógu er að taka. Við skulum líta okkur aðeins nær. Ég hvet alla þá sem gáfu í þessa góðu söfnun til að fara nú eftir helgi og gefa ekki minna til mæðrastyrksnefndar, fjölskylduhjálparinnar eða einhvers af þeim fjölmörgu hópum sem að hjálpa þeim hér heima sem eru í neyð.

150 milljónir söfnuðust á Degi rauða nefsins

Afar sérkennileg tík...

...þessi pólitík.

Ég lenti í kvöld á smá spjalli við góðan félaga minn. Þar bar m.a. á góma stjórnmál og þá helst hvað flokkarnir eru duglegir að passa stólana sína, þá sama hvort þeir stólar snúa til hægri eða vinstri.

Ég er á því að það eigi að leggja niður flokkapólitíkina eins og við þekkjum hana þ.e. að einstaklingar bjóði sig fram og ná kosningu út á eigið ágæti eða persónu en ekki að við kjósum einhvern flokk til að ná inn því fólki sem við viljum sjá við stjórnvölinn.
Því miður er ég nokkuð viss um að þetta sé ekki að fara að gerast í bráð.
Fyrst að svo er að við kjósum flokka þá finnst mér að flokkarnir eigi að eiga atkvæðin sem þeir fá en EKKI einstaklingar innan flokkana. Því miður hefur það allt of oft gerst, bæði í bæjar- og sveitarstjórnarmálum og landsmálum að einstaka aðilar hafa farið í fýlu út í flokkinn sinn og sagt sig úr honum OG GENGIÐ BURT MEÐ SÆTIÐ SITT. Hefði ég kosið Borgaraflokkinn þá væri ég ekki sáttur við að atkvæðið mitt tilheyrði nú öðrum flokki. Þetta er kjaftæði. Því ættu okkar ágætu þingmenn að sjá sóma sinn í að breyta þessu. Að vísu er ég nokkuð viss um að þetta verði ekki gert því að þar með eru stólgarmarnir orðnir aðeins og lausir fyrir þetta blessaða fólk sem telur sig skuldbundið að sitja sem fastast í þeim.

Er þetta málið???

Væri ekki ráð að sleppa Eurovision þetta árið og nota peninginn í eitthvað skynsamlegra, af nógu er nú að taka.

15 keppa í Söngvakeppni Sjónvarpsins

Af hverju ekki?

Vegatollar er eitthvað sem Vestmannaeyjingar hafa þurft að greiða um áraraðir, tollarnir hafa bara verið kallaðir Herjólfsfargjald. Það kemur væntanlega annað hljóð í strokkinn hjá íbúum höfuðborgarsvæðisins núna þegar að það lítur út fyrir að þeir gætu þurft að borga líka. Gott mál.

Hugmyndir um vegtolla

Það neyðir enginn þetta fólk til að búa þarna!

Ég er ekki að gera lítið úr menguninni sem þarna er en hversu oft hafa ekki margir (þá kannski sérstaklega höfuðborgarbúar?) látið þessi orð falla um Vestmannaeyjinga þegar þeir voga sér að tala um samgöngur við Eyjar og þann kostnað sem fylgir Herjólfsferðum.

Auðvitað þarf að huga að menguninni en saltaustur og nagladekkjanotkun fer ekki vel með malbikið,  hvoru tveggja er hinsvegar ofnotað á höfuðborgarsvæðinu.

Íbúar mótmæltu svifryksmengun

FRÁBÆRT !

Akkúrat það sem upp á vantaði.

Nú verður eins gott að skipuleggja vel alvarleg veikindi og slys svo að tryggt verði að maður fái sjúkraflutning. Spurning um að panta sjúkrabíl með góðum fyrirvara.

Framlög til sjúkraflutninga skorin niður um 53,5 milljónir

Snilldar vörn!

"...Þessi efni voru ekki tilbúin og þar af leiðandi ekki hættuleg ennþá. Það hlýtur að skipta máli við ákvörðun refsingar.“

Ekki hættuleg ennþá. En áttu greinilega að verða það ekki satt? Mér finnst það ekki skipta máli hvort að efnin voru orðin hættuleg eða ekki, þarna voru menn að fara að framleiða hættuleg efni.

Ósáttur við þungan dóm