Af hverju???

Af hverju þarf lögreglan að bjóða e-h skríl inn til sín til viðræðna? Lögreglan á að fá vinnufrið en ekki að þurfa að standa í þessum skrípaleik. Er þá ekki kominn tími til að allir þeir sem keyrt hafa drukknir flykkist niður að stöð og heimti að fá lausan hvern þann sem tekinn er fyrir að keyra drukkinn. Af hverju mætir ekki skríllinn til þess að mótmæla þegar að innbrotsþjófur er tekinn og honum stungið inn? Látið lögguna í friði, þetta eru einstaklingar sem eru að vinna sína vinnu.
Ef þið getið ekki sætt ykkur við afleiðingarnar þá skuluð þið hætt þessum skrílslátum.

Lögregla ræddi við mótmælendur

Athugasemdir

[Sporðdrekinn, 8.12.2008 kl. 19:48]

Ég er nú eiginlega alveg sammála þér.

En ég held þó að með því að gera þetta svona hafi lögreglan náð að halda fólkinu rólegu. Lögreglan hefur sjálfsagt ekki viljað annað dæmi eins og síðast.

[Aðalsteinn Baldursson, 9.12.2008 kl. 00:15]

Sigrún.
Hversu mörg af þeim sem að ruddust á pallana í dag, ætli séu komin í vanskil með börn á framfæri og sjá ekki fram á að geta einu sinni keypt handa þeim jólamatinn?
Og hverju skila þessi skrílslæti? Engu.

[Skattborgari, 9.12.2008 kl. 01:33]

Aðalsteinn ég held að flestir þeir sem hafa farið þarna inn séu skólafólk sem býr enn hjá pabba og mömmu.

Kveðja Skattborgari.

[Árni Pétur (IP-tala skráð) 9.12.2008 kl. 01:45]

Ég er alveg sammála þér Aðalsteinn. Að vera ,,kominn í vanskil með börn á framfæri og sérð ekki fram á að geta einu sinni keypt handa þeim jólamat'' er ekki afsökun á svona hegðun. Þau hafa ekki rétt til að gera þetta. Þetta er ólöglegt sem þau gerðu á alþingi okkar Íslendinga. Helvítis aðgerðasinnar, farið og mótmælið fyrir utan matvörubúðir. 

[Árni Pétur (IP-tala skráð) 9.12.2008 kl. 02:01]

Einnig slösuðust tveir lögreglumenn og einn þingvörður. Hvaða rétt hafði þessi skríll til þess? Samkvæmt stjórnarskrá Íslands: 36. gr. Alþingi er friðheilagt. Enginn má raska friði þess né frelsi. Þingmenn á alþingi eru þjóðkjörnir af Íslendingum og 30 manns tala ekki fyrir alþjóð, lýðræði er í gangi á Íslandi og ef þau vilja mótmæla þá eiga þau að stofna sinn eigin stjórnmálaflokk og breyta hlutum. Það er lýðræði.  Ég hef ekki rétt til að ryðjast inn á heimili fólks, beita þá ofbeldi, grýta hús þeirra eða annað ólöglegt. Fólki ber að virða hvort annað og skilja að við erum öll með mismunandi skoðanir á hlutum. Nenni ekki að pirrast yfir vitleysunni í fólki lengur. Takk fyrir og góða nótt.

[Berglind (IP-tala skráð) 9.12.2008 kl. 10:32]

,,Fólki ber að virða hvort annað og skilja að við erum öll með mismunandi skoðanir á hlutum. Nenni ekki að pirrast yfir vitleysunni í fólki lengur"

Ert þú að virða þetta fólk og skilja þeirra skoðanir? 

Ég skil vel að þú gagnrýnir ofbeldið og röskun á friði Alþingis en þarna finnst mér þú vera í mótsögn við sjálfan þig. 

[Árni Pétur (IP-tala skráð) 9.12.2008 kl. 11:53]

Ég sé ekki mótsögn hjá sjálfum mér. Ég virði allt fólk eftir bestu getu og skil það mjög vel að við erum ólík eins og við erum mörg. En ég samþykki ekki svona hegðun og það er minn réttur að vera með eða á móti svona hegðun. Ég kalla svona hegðun bara skrílslæti og þeirra skoðanir hverfa með barnalegum látum. Það hafa allir skoðun og ég reyni að virða skoðanir annarra en ég ekki endilega samþykkur þeim. Ég horfði á bíómyndina  Gandhi með Sir Ben Kingsley og hann vann breska heimsveldið án óláta, með friðsamlegu andófi gegn heimsveldinu. Þetta unga fólk ætti kannski að læra af honum og hætta núverandi aðferðum sem skila engu. Ef þú sérð ennþá mótsögn þá mátt þú benda mér á hana. Takk fyrir.

[Sporðdrekinn, 10.12.2008 kl. 01:29]

Hverjir eru það sem að þú kallar "Þjóðarsvikara" Sigrún?

Og hvar var verið að gagnrýna þig fyrir að vera komin í vanskil?

[Dagur Björnsson, 18.12.2008 kl. 22:18]

"góða skemmtun í febrúar" Er þetta hótun eða?

Er ekki bara málið að mótmæla þessu kommenti hjá Sigrúnu?